ഉരുളക്കിഴങ്ങ് മസാല

• ഉരുളക്കിഴങ്ങ് - 4

മൈക്രോ വേവിൽ 5-6 മിനുട്ട് വച്ച് പുഴുങ്ങുക. എടുത്ത് വെള്ളത്തിൽ അല്പനേരമിട്ട് തൊലികളയുക. എന്നിട്ട് ഉടയ്ക്കുക. ഫോർക്ക് വച്ച് ചെയ്യാൻ എളുപ്പമുണ്ട്. മുഴുവൻ വളരെ നൈസായി ഉടയ്ക്കരുത്. കുറച്ച് ഉടഞ്ഞുപോകാത്ത കഷ്ണങ്ങളുംവേണം.

• എണ്ണ - 2 ടേബിൾസ്പൂൺ
• കടുക് - 1 ടീസ്പൂൺ
• ഉഴുന്ന് പരിപ്പ് - 1 ടീസ്പൂൺ
• സബോള - 1 - ചെറുതായി നുറുക്കിയത്
• ഇഞ്ചി - 1 ഇഞ്ച് കഷണം നുറുക്കിയതോ ചതച്ചതോ
• പച്ചമുളക് - പിളർന്നത് - 4
• ഉപ്പ് - 1/2 ടീസ്പൂൺ

കടുക് എണ്ണയിൽ പൊട്ടിച്ച ശേഷം, അതിലേക്ക് ഉഴുന്ന് പരിപ്പിടുക. സബോള, പച്ചമുളക് കൂടിയിട്ട് എണ്ണയിൽ വഴറ്റുക. ചെറുതായി ഒന്നു വാടുകയേ വേണ്ടൂ. ഇനി ഇതിലേയ്ക്ക് ഇഞ്ചിയിടാം.

• മഞ്ഞൾപ്പൊടി - 1/2 ടീസ്പൂൺ
• കറിവേപ്പില - 1 തണ്ട്

ഇവകൂടി ഇട്ട് ഒന്ന് റോസ്റ്റ് ചെയ്ത ശേഷം ഉരുളക്കിഴങ്ങും കൂടി ചേർക്കുക.

• വെള്ളം - 1 കപ്പ്
• മല്ലിയില - 1 പിടി
• ഉപ്പ്

ഇവകൂടി ചേർത്ത് ഇളക്കുക. എന്തുമാത്രം അഴവ് വേണമോ അതിനനുസരിച്ച് വെള്ളം കൂടുതൽ ചേർക്കാം. ഉണ്ടാക്കുമ്പോൾ കുറച്ച് ലൂസായി എടുത്തില്ലെങ്കിൽ, അല്പസമയം ഇരിക്കുമ്പോൾ ഉറയ്ക്കും. അല്പം ലൂസായതാണ് ഞങ്ങൾക്കിഷ്ടം.