സിമ്പിൾ ഉള്ളി സാമ്പാർ

പരിപ്പ് അരക്കപ്പ്, ഇന്ത്യൻ സ്റ്റോറിൽ നിന്നും കിട്ടുന്ന ഫ്രോസൺ ചെറിയഉള്ളി അരപ്പായ്ക്കറ്റ്, ഉപ്പ്, മഞ്ഞൾപ്പൊടി, അരടീസ്പൂൺ എണ്ണ, 2 കപ്പ് വെള്ളം എന്നിവ ചേർത്ത് കുക്കറിൽ വേവിക്കുക. പുളി വെള്ളം, സാമ്പാർപൊടി (പാക്കറ്റിൽ എഴുതിയിരിക്കുന്ന കണക്കനുസരിച്ച് - ഏതാണ്ട് 3 ടേബിൾ സ്പൂൺ) എന്നിവ ചേർത്ത് ഒന്നുകൂടി തിളപ്പിക്കുക. കടുക്, ചുവന്നമുളക്, ഉലുവ, കറിവേപ്പില, കായപ്പൊടി എന്നിവ കൊണ്ട് താളിക്കുക. കുറച്ചു മല്ലിയില നുറുക്കി വിതറാം.

ഈ ഉള്ളി സാമ്പാർ പുളികുറവ് ചേർത്തുണ്ടാക്കുകയാണെങ്കിൽ, ദോശയ്ക്കും ഇഡലിക്കും ഊത്തപ്പത്തിനും നന്നായി ചേരും.